John 7:14-20

¹⁴But whanne the myddil feeste dai cam, Jhesus wente vp in to the temple, and tauyte.

¹⁵And the Jewis wondriden, and seiden, Hou can this man lettris, sithen he hath not lerned?

¹⁶Jhesus answerde to hem, and seide, My doctryne is not myn, but his that sente me.

¹⁷If ony man wole do his wille, he schal knowe of the techyng, whethir it be of God, or Y speke of my silf.

¹⁸He that spekith of hym silf, sekith his owne glorie; but he that sekith the glorie of hym that sente hym, is sothefast, and vnriytwisnesse is not in hym.

¹⁹Whether Moises yaf not to you a lawe, and noon of you doith the lawe?

²⁰What seken ye to sle me? And the puple answerde, and seide, Thou hast a deuel; who sekith to sle thee?