John 7:1-6

¹Jesus ra apmer arrpanenh-warl alhenh ahern Galilee-ampenyel. Ra nthakenh Judea-el aney-angenh, Jew-kenh atyetyart-rnemarl ikwer angkerrenh-kety, rernem renh ipmek atwetyek. Alakenh-kety ra Galilee-el-antey anenh.

²Arlta ra arrer-anem irrek ingkerrenh Jew-rnem anyentirretyek, rernem amern tyenkerr arlkwetyek, Judea-ampeny-itwek, tawen Jerusalem-itwek. Apmelerr-angkwarr rernem akarrirrenh tyenkerr arlkwetyek, itna Rtakw-angketyarr ikwer-itwek.

³Jesus-kenh ayteyikw-rnem ikwer-warl angkek, “Ilek-kety nga Judea-ampeny-warl alhey-angenh? Nga Judea-ampeny-warl alhenty, ilek-ilek ntwa anngetherr ingkerrenh-itwek mpwarem, kwertengerl ngkwenhel-rnem anaynt aretyek-awaty, rernemap ngkweng inkwerelhem-anem ngenharl arek-penh, ilek-ilek ntwa mpwarek ikwer-rnem-itwek anngetherr.

⁴Nthakenh anyelkel mpwarey-angenh ingkerrenhelap ngenh iterl-arayntetyek anaynt. Ahern nhareny ingkerrenhel ngenh tnaketyek ntwa ilek-ilek mpwarey-angker. Ntwa ingkerrenh-itwek anngetherr mpwaretyek!”

⁵Alakenh rernem apal angkek. Rernem ikwer irrpelthirrenh apal.

⁶Ikwer-penh Jesus-el renh-rnem tyernek, “Ayengan mpwelheyel, Akngey rant ayenh Jerusalem-warl thwenetyek. Ahern nhareny-rnem arrekantherrety arlkarirrey-angenharl, mwerrarl aneyel arrekantherr. Atyengety rernem arlkarirreyel, atharl renh-rnem ileyel, rernemarl apmwangkwarrant apenteyel. Menty arrantherr alhenherr-arey, tyenkerr arlkwetyek. Ayeng artenyarl mpwelheyel-kety.”