Text copied!
CopyCompare
KAEM KO DEN - John - John 6

John 6:9-50

Help us?
Click on verse(s) to share them!
9鈥淜uriang bo imi ko bread barley 5 pela, se ko wal ilagala ago bagoso. Bare mu kariimet awila namonko?鈥
10Se Jesus nunga maonam, 鈥淜ariimet nunga maonal se dagimonko,鈥 mam. Kuwim umu sirsir la, se kariimet awote dagi namaman. Se kari la nunga kaura mu ko tom mu 5000 iwitata.
11Asele Jesus bread giam ale Kaem amilmil tuam, pakokaram, ale kariimet dagiman bagaman umu nungaram se naman ale nungumik karogo terong ma saparam. Se munan koma suanta tala wal te beteram.
12Se nuna suen la inang naman ale nungumik ikuwa saparam, mu nu ko olekem nunga maonam, 鈥淣a inang nukum mu bolala awuralko. Inang nuamur bo ta me magarukko,鈥 mam.
13Se nuna inang bread barley 5 pela mu ningi aratam se kariimet naman se ko nukum wogaram mu gi korokem 12 pela tuguman.
14Se kariimet miracle umu Jesus beteram se arigiman ale balukasan, 鈥淣unguningta, imi Prophet ali ewere te tairukko balukasan se ana iki lagaman borta tairam,鈥 makasan.
15Bare Jesus ikiam, mu nuna nunga sail te king ko betemonko iwita ikiam, ale nu numi tagi batogam ale duruk bo te kota namaram.
16Se bainga ningi mu ko olekem alo yu Galilee te nama kapaman.
17Ale dal bo te aragaman ale peleman Capernaum namakasan. Se tirom batagam bare Jesus nuna nongote me taikaso.
18Se daula biya barasam ale gagi magaram.
19Se nuna wos iluman ale yu tuagu biya kapaman ale namawaman se, Jesus yu guang awote aolak iluwam ale nongote taikaso se arigiman, ale ninguru nguangakasan.
20Bare nu nunga maonam, 鈥淚mi anigita pa; nina me nguangaralko!鈥 mam.
21Se nuna amilmil ago dal te giman, ale tairatela kuwim nuna te namamonko mu te nama arataman.
22Se kariimet mu yu komasang te animan ukiram se ikiman mu, dal suanta aniram se mu olekem alo taman ale nongota namaman, bare Jesus nongorak me namaram.
23Se uwuta ikiman mu, dal sang Tiberias wonong ko wore tai tai arataman. Dal umu tai kuwim Kari Biya te bread tam ale Kaem amilmil tuam ale kariimet nungaram se naman mu te arataman.
24Se kariimet Jesus se ko olekem alo nongorak umu te me nungarkaman mu, nuna dal umu te araga araga Jesus ko loagamonko Capernaum mu te namakasan.
25Nuna nama yu koma sang te mu nu arigiman ale isarman, 鈥淩abbi, ni amaru ewerete tairem a?鈥 maman.
26Se Jesus mam, 鈥淎ni nunguningta ninga manorsam, nina miracle arigiman mu ko aninga loagaman ale me taiman, mena. Bare nina bread naman ale ningimik ago terong mam, bore te se nina taiman,鈥 mam.
27鈥淣ina na inang aitakta se ukuruk se maga namoso mu ko me sail tagiralko, mena. Bare nina na inang tom pempem te marak bagaralko, Kari ko Namar ningarso, mu ko sail tagiralko. Mu awuk, Ba Kaem ko gomang motam lilim te noko aing au nu kumik te beteram.鈥
28Jesus buta balam se nuna isarman, 鈥淎na awuk manak ale Kaem ko ura ko gomang te aniso mu betenakko?鈥 maman.
29Se Jesus nunga maonam, 鈥淜aem ko ura nina beteralko gomang aniso mu iwita: nina kakirip nu beteram se tairam umu ko nengemang ningi nunguning arukko,鈥 mam.
30Se nuna aking isarman, 鈥淣i miracle awuk wore bitar se ana ariginak ale te nika den ko nangamang ningi nunguning arukko? Ni awuk bitarko?
31Anananga taleng girigir alo sor garagarayam te na manna naman; se batoga te iwita aniso: 鈥楴u duruk wonong ko inang nungaram se naman.鈥欌娾
32Se Jesus nunga maonam, 鈥淎ni nunguningta ninga manorsam, duruk wonong ko inang umu Moses me ningaram, mena. Bare mu aninga Ait inang nunguning duruk wonong ko mu ningarso.
33Mu awuk, Kaem ko inang nunguning mu kakirip duruk wonong te tai kaparam ale ali imi lilim la bagara aolak ningo tuso umutang.鈥
34Se nuna maman, 鈥淒om biya, buta mu pempem la mu ni bread umutang ana nangaru se nanakko,鈥 maman.
35Asele Jesus balu paogam, 鈥淚nang ningo te pempem bagara ko mu anigita. Se awiriya aningate tairuk, mu na ko me kua lagarukko. Se awiriya ani ago ko gomang ningi nunguning aruk, mu yu ko me kua lagarukko.
36Bare ani maingkala ninga manem uwuta, nina ani agarkaman ta, bare ago ko am me nengemang ningi nunguning aso.
37Aninga Ba awiriya ani aisiso mu aningate taisan. Se awiriya aningate taisan, mu ani bo me ta karikko, mena.
38Mu awuk, ani agata aga ikia karo tuekko duruk wonong beterem ale ali imi te me tai kaperem, mena. Ani tai kaperem mu Kakirip aga beteram se tairem mu ko gomang motam karo tui saparikko tairem.
39Se Kakirip aga beteram se tairem mu ko gomang mu awiriya nu ani aisam, mu bo ta me kutuga palaga namarukko, mena. Bare tom nukum te suen la nunga maraguwurik se barasamonko.
40Mu awuk, aninga Ait ko gomang mu iwita: awiriya noko Namar te ira sanami se ko nongomang ningi nunguning aso, mu marak ningo tom suen la te bagamonko mu tamonko. Se ani tom nukum te nunga maraguwurik se barasamonko,鈥 mam.
41Se Juda alo den mu ikiman ale nging ngung kitikituk makasan, mu awuk, nu balam, 鈥淒uruk wonong ko inang tai kaparam mu anigita.鈥
42Se nuna balukasan, 鈥淧are ewere Jesus, Joseph ko namar, ko nuam nuet ana nunga ikisan ewere e? Se nu awuk se aitak numi balso, 鈥楢ni duruk wonong te tai kaperem maso?鈥欌娾 makasan.
43Se Jesus nunga maonam, 鈥淣engeta ninimi ago nging ngung kitikituk sowore iluwalko,鈥 mam.
44鈥淎wiriya bo kota ko ikia te aningate tairukko me terong. Bare awiriya aninga Ba aga beteram se tairem mu kota tagi kulukurso umutang aningate taiso. Se tom nukum te ani maraguwurik se barasukko.
45Prophet alo den bo iwita batagorman, 鈥楰aem kota nunga kausokko.鈥 Se awiriya Ba kuring ikiso ale ko sinarso mu aningate taiso.
46Awiriya bo ta Kaem me arigam. Bare kakirip Kaem ilak baga tairam mu nu kota ko Nuet arigam.
47Ani nunguningta ninga manorsam, awiriya ani ago ko gomang ningi nunguning aso, mu nu marak ningo tom suen la te bagarukko mu taso.
48Inang ningo te pempem bagara ko mu anigita.
49Nenenga taleng girigir ali sor garagarayam mu te inang manna naman, bare nuna kua sapa gilingiman.
50Bare inang imi duruk wonong te wore tai kaparam, se awiriya inang imi nauk mu me kuerukko.

Read John 6John 6
Compare John 6:9-50John 6:9-50