John 6:50-58

⁵⁰Amern nhenh alker-theyarl apetyek. Amern renh arlkwenty, rernem nthakenh ilwey-angenh.”

⁵¹Jesus ranem ilelhek, “Ayeng amern intem-antey itethiley-angker, ayeng alker-they apetyek. Amern nhenh arlkwenty, ra iteth intem anetyek. Amern nhenhan arlka atyenh. Ayeng arlka menty anthelhem, ahern-areny ingkerrenh itethiletyek.”

⁵²Jew-rnemel awek-penh rernem angkerrenh, “Nthakenh ra anwekantherr arlka anthelhetyek, anwantherr renh arlkwetyek?”

⁵³Jesus-el renh-rnem akalty-anthenh Jew-kenh tyaty akely-itwek, apmer Capernaum-itwek. “Aray, atha arrenhantherr arraty ileyel. Akngey-kenh Artwa Impen arlka arlkwey-angenh, arrkngethen antywey-angenh, arrantherr nthakenh iteth intem-antey aney-angenh.

⁵⁴Arlka atyenh arlkwenty, arrknga atyenh antywenty, rap iteth intemarl aneman. Arlta ingkernel atha renh ipmepenh akwentelhileyenh.

⁵⁵Arlka ayeng amern innga, arrknga ayeng antywey-angker inngan.

⁵⁶Arlka ayenh arlkwenty, arrknga ayenh antwenty, ayeng ikwer-itwek anem, ra atyeng-itwel anem arrpemarl.

⁵⁷Akngeyel ayenh thwenek, ran inngarl aneyel. Ran ayenh itethilek arrpemarl. Atha ingwer-rnem itethilem arrpemarl arlka ayenh arlkwenty.

⁵⁸Amern alker-they apetyek. Amern nhan arrwekelenyel-rnem arlkwek, rernem ilwekarl. Amern atharl anthem ra intem iteth aneyenh. Amern itethiley-angker ran. Akngeyel amern ikwer-rnem-warl thwenek, rernem arlkwetyek, amern apmwamwam.”