38For Y cam doun fro heuene, not that Y do my wille, but the wille of hym that sente me.
39And this is the wille of the fadir that sente me, that al thing that the fadir yaf me, Y leese not of it, but ayen reise it in the laste dai.
40And this is the wille of my fadir that sente me, that ech man that seeth the sone, and bileueth in hym, haue euerlastynge lijf; and Y schal ayen reyse hym in the laste dai.
41Therfor Jewis grutchiden of hym, for he hadde seid, Y am breed that cam doun fro heuene.
42And thei seiden, Whether this is not Jhesus, the sone of Joseph, whos fadir and modir we han knowun. Hou thanne seith this, That Y cam doun fro heuene?
John 6
John 6:38-42