John 4:45-47

⁴⁵Jesus Galilee-ampeny-itwek aremirrey-alhek, ingkerrenh ikwer inkwerelhek arnekirremel. Galilee-areny-rnemel arrwekel-antey rernem ikwer inkwerelhek, rernemarl renh arrwekel arek, rarl ilek-ilek mpwarenh rlterrk ilkwakertel, tyenkerr Anperarl Alhek “Passover” arlkwenh-angkwarr Jerusalem-itwek.

⁴⁶Ikwer-penh Jesus Cana-warl alpek, tawen irrkaty-warl ra arrwekel kwaty-penh wayn-anem akngartewek. Tawen Capernaum-itwek atyetyart anyent anenh. Alerikw ikwerenh arntety innga rwenp ayntenh.

⁴⁷Atyetyart ra awek, Jesus Cana-itwek anenharl. Ra ikwer-warl alhek, renh ikngwetyek. Renh arey-alhek, ra renh artewentyel-antey ayernek, ra ikwer-angkwarr alhetyek, awey arntety renh mwerriletyek. “Apetya atyeng-angkwarr alerey atyenh mwerriletyek. Ra ilwekerr apek.”