John 4:40-43

⁴⁰So wen de people ob Samaria come ta Jedus, dey beg um fa stay wid um. An e stay dey two day.

⁴¹Cause e taak ta de people dey, a heap mo ob um come fa bleebe pon Jedus.

⁴²Den dey tell de ooman say, “We bleebe now. Dis time yah, e ain jes cause ob wa ya been tell we. We bleebe now cause wesef done yeh um. An we know dat e de Sabior ob de wol, fa true.”

⁴³Wen Jedus done spen de two day dey een Samaria, e gone ta Galilee.