John 3:9-18

⁹Werentun ile Nicodemus, Yarild ityan.

¹⁰Werentun ile Jesuse, Minge nginte ellin magistrate Israelald, nowaiy inde an nglemin harnakar.

¹¹Katyil, katyil, atte tingowun umangk, ngurn yarnin yare urn nglemin, ngurn tingowun umangk yare urn nakkir, wunyinde nowaiy wurruwarrin.

¹²Ungunuk atte tingowir umangk al atyan ruwe wunyinde nowaiy wurruwarrin, meng inde wurruwarrin ungunuk atte tingowun umangk al ityan wyirrewarre.

¹³Tarno korn wankir wyirrenangk. Kityai, yare itye puntir wyirreanmant; Porl Kornalde, yar itye lewin wyirrewarre.

¹⁴Mosese ile yan preppir kraiye ngerak-kangk, lun ellin el ar preppani ityan Porl Kornalde.

¹⁵Ungunuk kornar wurruwarrin ityan wunyar nowaiy el bailpulun, tumbewarrin ar kaldowamp.

¹⁶Lun ellin Jehovah an pornun an Narrinyeri: pempir ile ityan kinauwe Brauwarate, ungunuk korn wurruwarrin ityan, nowaiy el itye moru hellangk, tumbewarrin itye kaldowamp.

¹⁷Nodvaiy ile yan Jehovah taiyir naitye porl, hil amb ukke, kondem em an Narrinyeri; hil amb ai ile taiyir ityan, yultun an narrinyerar hell an mant.

¹⁸Ungunuk korn wurruwarrin wunyile yan nowaiy kondem em. Ungunuk korn nowaiy wurruwarrin, wunyile yan kondem em, hil amb uk, nowaiy ile yan wurruwarrin mitye Porlald an Jehovald.