John 3:16-19

¹⁶For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.

¹⁷For God sente not his sone in to the world, that he iuge the world, but that the world be saued bi him.

¹⁸He that bileueth in hym, is not demed; but he that bileueth not, is now demed, for he bileueth not in the name of the `oon bigetun sone of God.

¹⁹And this is the dom, for liyt cam in to the world, and men loueden more derknessis than liyt; for her werkes weren yuele.