John 3:14-19

¹⁴Mosese ile yan preppir kraiye ngerak-kangk, lun ellin el ar preppani ityan Porl Kornalde.

¹⁵Ungunuk kornar wurruwarrin ityan wunyar nowaiy el bailpulun, tumbewarrin ar kaldowamp.

¹⁶Lun ellin Jehovah an pornun an Narrinyeri: pempir ile ityan kinauwe Brauwarate, ungunuk korn wurruwarrin ityan, nowaiy el itye moru hellangk, tumbewarrin itye kaldowamp.

¹⁷Nodvaiy ile yan Jehovah taiyir naitye porl, hil amb ukke, kondem em an Narrinyeri; hil amb ai ile taiyir ityan, yultun an narrinyerar hell an mant.

¹⁸Ungunuk korn wurruwarrin wunyile yan nowaiy kondem em. Ungunuk korn nowaiy wurruwarrin, wunyile yan kondem em, hil amb uk, nowaiy ile yan wurruwarrin mitye Porlald an Jehovald.

¹⁹Hil amb ai ile an kondem em, tyelyerar klartin ruwungai, kornar pornun an yonguldye, nowaiy pernun an tyelyerar, hil amb uk ar wirrangwallin.