John 21:2-15

²Harnakar ngaityar lewin thamangk mungkulangk, Thomas Didymus, Nathaniel, Porlengk, Zebedeeald, ninggengk yamminyengk ngaityengk.

³Wunyitye Petere yarnin luku ngate el ngerin an mame; kar werentun, ngurn el ngowal umanyir. Kar ngowalle yukangai. Kar ngerin yonguldye; nowaiy ar morokkun an mame.

⁴Ungunuk trelin ngreye tangulun itye Jesuse thamangk. Nowaiy ar nuntun ellin ityan Jesuse.

⁵Wunyil Jesuse kurrin an, Porluna yangalle nomauwe mame; kar werentun, nowaiy eliin mame.

⁶Tingowun ile an, Yup our an nomauwe ngere lare muntunt yukald, wunyel ungune pindyani. Wunyar ngerin. Hikkai nowaiy ar yultun ityan ngere; multuwarrin mame.

⁷Wunyil ngaitye, yar itye yan pornun yan Jesuse, yarnin Peterangk; Kitye ellin masterowe, Ungunuk Petere kungun ityan, yuppundelin il naitye maiyingge (kitye ellin merate ungunai) wunyitye tytpullun mungkulangk.

⁸Yamminyar ngaityar puntin yukald, yultun an ngere mamungai.

⁹Ungunuk ar tangulun thamangk, kar nakkin, kene, krepowe, mame, yummun.

¹⁰Yarnin itye Jesuse. Morok our an mame, hikkai kaldcw an ngerir.

¹¹Wunyil Petere yultun, ngere thamangk; multuwarrin mame ngerangk, one hundred and fifty three. Kar nowaiy lulun an ngere.

¹²Yarnin itye Jesuse, Ngai ouri, tak, Nowaiy ngaityar kurrin ityan, Ngang inde?, kar nglemin ityan Masterowe.

¹³Wunyil Jesuse pempin an angk krepowe, mame.

¹⁴Hikkai nakkin an Jesuse nepaldandai ngaityar Jesusald, yaral itye prakkir.

¹⁵Yaral ar takkir, wunyil Jesuse yarnin inanyir Petere luku, Simon porl Jonasald nginte an pornun kai? Werentun ile yan Petere, Yes, Masterowe, nginte nglemin pornun um aa um. Yarnin ile inanyir, Nginte munguwun an anauwe lambar.