John 20:8-14

⁸Edo ambojimbi nei giti meko da bugusira awa Peter ambo ambo edo totorisira. Edo umo torido gido umo ge be isira.

⁹Edo matu ro jiwari mi sisira Iesu betedo edo sekago eradira sisira awa matu ungo gae isera.

¹⁰Edo ambojimbi sekago nati da engenemburisera.

¹¹Edo Mary awa meko ponda derido ji sise atisira. Edo umo ji sise kukubedo meko jo awa gosisira.

¹²Edo umo asisi ewamei etoto ombari parara berari edo yei Iesu da tamo atisira ainda da uso kopiri da edo da uso tei da edo atero gosisira.

¹³Edo umo diti jo da edo gosiri ungo mi nganega isera, “Evetu imo ro edo ji sesi?” Setero unemi mina sisira, “Ungo mi naso Bada budo mambera edo yei rawainda iteri awa na gae ra.”

¹⁴Edo Mary awa sedo kaveregedo Iesu ainda derido atiri gosisira te umo Iesu awa umo gae ra.