John 20:6-25

⁶Wunyitye puntin Simon Petere, waiyin ityan, yappulun itye tombangk, nakkin itye an maiyinggar yummun.

⁷Kinauwe kurlinyeri nowaiy itye yummun al maiyinggan, kil ai an yuppir.

⁸Wunyitye yappulun yamminye ngaitye, ngungkura itye puntir, kile nakkin wunyitye wurruwarrin.

⁹Nowaiy henggenekengk nglemin tungare Jehovald nornir itye Jesuse prakuramb itye.

¹⁰Wunyengk henggengk ngaityengk moru engk kenggunanyirangk pulge.

¹¹Tangulun itye Mary ngurukwar tombowe, parpin itye. Ungunuk itye parnig tuyuluwarrin itye tombungai.

¹²Wunyil nakkin ningkaiengk angelengk lewin; yammalaitye lewin yangi naitye kurle yummir, kityur lewin yangi Jesusald turnar yummir.

¹³Kengk yarnin inanyir Mary, mimininda mekimb inde parpin. Yarnin ile kenggunanyir. “Hil amb uk ar pintamir ityan anai Masterowe, nowaiy atte nglemin yangi ar al ityan yuppir.

¹⁴Ungunuk itye yarnir luku ngeraggeyelin itye, wunyile yan nakkin Jesuse, tangulun itye naiye: nowaiy itye Marv nglemin ityan Jesuse.

¹⁵Yarnin itye Jesuse inangk, Mimininda, mekimb inde parpin, ngang inde yan wilkun? Mary nuntun ityan Jesuse ellin gardenamalde. Mary il yarnin inangk, Sir ungunuk inde tuppir ityan ande tingow our an, yang inde yuppir ityan, wunyel atte pintamani ityan.

¹⁶Krunkun ile yan Jesuse, Mary, Ngeraggeyelin itye Mary, yarnin itye inangk Jesuse, Masterowe.

¹⁷Jesusil yarnin inangk, nowaiy inde an pleppin; nowaiy at loru nangaiyinangk. Ngcwal inde ananyirangk ngaityungar, tingow ind an narar luku; Loru el ap nangaiyinangk ngaiyinangk, ngananyirangk Godow, nomanyirangk Godow.

¹⁸Tingowun il Mary Magdalene ngaityungar Jesusald, nakkir ill it yan masterowe, Jesusil yarnir inangk luku.

¹⁹Yaral itye yappulun nungge hikaai ellin yammalaitye nungge weekald; doorow taldumandald itye ellin murilpun, yangi ngaityar Jesusald, yuntuwarrin, turlin ar ananyir Jewsar. Wunyitye puntin Jesuse, tangulun itye tunte taldumandald; yarnin itye luku, ngape ellin nomauwe ngaitye.

²⁰Yaral itye yarnir luku, wunyil re ar an kinauwe turnar, prewirre; wunyar kinauwe ngaityar kuntun hil amb ar nakkin ityan Jesuse

²¹Yarnin itye Jesuse anangk, nanghy taiyir an, lun ellin atte onom taiyani.

²²Yaral itye yarnir luku, wunyel an winkundun; yarnin itye ngate yan pempin onomangk Nunkeri Pangari Jehovald.

²³Ungunuk ungune an tingowun kornar luku, tainpulun itye Jehovah nomauwe wirrangar, wunyel itye, tainpulun. Ungunuk ungune tingowun an kornar luku ngullun itye Jehovah nomauwe wirrangar, wunyel itye ngulun.

²⁴Yammalaitye ngaitye, naitye mitye Thomas Didymus, nowaiy itye lewin taldumandangk yaral itye Jesuse puntin.

²⁵Yamminyar ngaityar tingowun ityan, ngurn ityan nakkir masterowe. Wunyitye yarnin Thomase, Yaral atte nakkani perkar nailowald, kinanyirungai turnungar, wunyatte yuppani anai turnar perkungai, yuppani anai turne perkungai prewirrald, wunyel ap nuntun katyil ungune tingowir an.