John 1:10-13

¹⁰So den de Wod been dey een de wol, an shru um God mek all ting een de wol. Stillyet, de people een de wol ain been know who e been.

¹¹E come ta e own place, bot e own people ain wahn hab nottin fa do wid um.

¹²Stillyet, some bleebe pon um. Ta all dem, e gim de right fa be chullun ob God.

¹³Dey ain git fa be chullun ob God same way like people een de wol hab chullun. Dey ain chullun ob God cause dat wa somebody wahn, needa cause some man wahn dat fa be. Bot God esef mek um come fa be e chullun.