John 19:2-11

²Wunyar soldierar ngempin yan kurlinyeri palyungar, wunyar ityan yuppun kinanyirungai kurlangk. Kar yuppundelin kinangk kurungulun maiyinggar.

³Wunyar krunkun ityan Governorowe Jewsan, Kar ityan ngultun kananyiril turnar.

⁴Ngowal itye Pilate kornungar tingowun ile an luku. Ngate ityan waiyin onomangk ngurukwar hil amb uk tingowun atte onom nowaiy itye wirrangi.

⁵Hikkai arnduwa itye Jesuse, ngolamindin itye henggun, palyald kurlinyeri, kurungulun maiyinggar. Luku yarnin itye Pilate nak our hikkai korn.

⁶Yaral chief priestar, officers, nakkin ityan Jesuse, kaikundun ar, Crucify ityan, crucify ityan. Luku Pilate, ngune crucify ityan, nowaiy atte nuntun ityan wirrangi.

⁷Kar luku werentun ityan, ngurnauwe lawowe yarnin pornilde itye, hil amb uk itye in angk krunkun Porl Godald.

⁸Yaral itye an kungun turlin itye Pilate.

⁹Ngoppun itye kinanyirungai taldumandangk Judgald. Wunyile kurrin ityan Jesuse, Yarnd inde nowaiy werentun itye Jeause.

¹⁰Wunyil Pilate luku, “Nowaiy inde werentun an? Nowaiy inde nglemin hik atte um mempani, hik atte um nemmani?”

¹¹Werentun il Jesuse nowaiy inde mempani an ungunuk Jehovil nowaiy um piltengwarrin; ngande anangk pempir um, wirrangwarrin itye.