Johanningundru 2:2-24

²Ja tanali bakana Jesus ja mili nunkani noapatamalini ditjia karkana wonti.

³Ja waina matja mudana, Jesuni ngandri nunkangu jatana wonti: “Waina pani morla tanalia ngamalkai.”

⁴Jesus nankangu jatana wonti: “Mina ngakangu ja jinkangu Widlajai? Ditji ngakani wata wokarala wapaia.”

⁵Ngandri nunkani milini jatana wonti: “Mina Nauja jurangu jatai, jenia ngankanau!”

⁶Ja naka mardangapakoko pirna mara wora ja kulno terkana wonti, worderu Juda kanali milingeru nganialkana wonti kulirkaterila, ja koko pirnali mandrani koko waka mandru kara, parkulu kara patana wonti.

⁷Jesus tanangu jatana wonti: “Ngapakoko manamiri ngankanau ngapali.” Ja tanali manamiri ngankana wonti.

⁸Ja Nau tanangu jatana wonti: “Kaluanau, ja bukanajinajibanietjani padakanau!” Ja tanali padakana wonti.

⁹Ja bukanajinajibanietja nina waina, nau ngopera ngapa nganana warai, wontjana wonti, ja nau ko nganana wonti woderindru nau, windri mili milkila nganana wonti, ngangau tanali ngapa manina, bukanajinajibanietjali noangantjanipirna karkana wonti,

¹⁰Ja nunkangu jatana wonti: “Kana pratjanali waina ngumu ngopera jinkiai, ja tana matja kaljura nganana, ngadani madlentji; jundru waina ngumu kulkana warai kararielu.”

¹¹Naupini malka ngopera nganana wonti, nina Jesujeli ngankana wonti Kana ngurani Galilaiani pirnala nunkani wondrala; ja milieli nunkanali morlalu ngundrana wonti nunkangu.

¹²Ngadani Nau Kapernaum nguraia ngarina wonti, Nau jai ngandri nunkani ja ngatata nunkani ja mili nunkani; ja naka tanali windri ditji palpa ngamana wonti.

¹³Ja Juda kanaia Passa karakara nganana wonti, ja Jesus tarana wonti Jerusalemia.

¹⁴Ja Nulu Godaia pungaia mankamankana wonti tanana nganti pirna ja tjipi ja mulapara burungankanani ja mardatandrakaritjimalkanietja ngamanani.

¹⁵Ja Nulu jinkandru nandrani jinka wirri ngankana wonti, ja pratjana Godaia pungandru narana wonti, tjipi ja bakana nganti pirna; ja mardatandrakaritjimalkanietjaia marda Nulu nangana wonti, ja karitjimalkani kurli tanani Nulu kokulterkibana wonti.

¹⁶Ja Nau mulaparaburungankanietjani jatana wonti: “Padakanimai tananapara pratjana ninkidandru, ja wata ngakani Ngaperaia punga burungankani punga karitjimalkanau!”

¹⁷Milieli nunkanali ngundrana wonti worderu dakanala parai: “Ngantjana pirnali jinkani pungandru ngana tajila nganai.”

¹⁸Juda kanali kalabana wonti ja nunkangu jatana wonti: “Mina malka jundru ngaianingu wondrai, ngangau jundru ninapini ngankai?”

¹⁹Jesujeli kalabana wonti ja jatana wonti tanangu: “Niuapini punga wokaribamai, ja ditjini parkulani ngato ninaia terkibana tarala nganai.”

²⁰Juda kana jatana wonti: “Ninapini punga tanali 46 kilpawoldrani wo tin a wonti, ja jundru ninaia ditjini parkulani terkibana tarala nganai?”

²¹Nau jenia jatana wonti nunkani palku pungandru

²²Nau matja tepi terkakana warai narindru, milieli nunkanali ngundrana wonti, Nulu jenia tanangu jatana wonti; ja tanali jaurani morlalu ngundrana wonti, ja nunkangnpini jaurani nina Jesus jatana wonti.

²³Nau Jerusalemingu nganana Passa ditji pirnani, marapujeli talani nimkanani morlalu ngundrana wonti, ngangau tanali malka nunkani najina wonti, tanana Nulu ngankana wonti.

²⁴Jesujeli tanangu wata morlalu ngundrana wonti, ngangau Nulu pratjana ngujamana wonti.