Text copied!
CopyCompare
Paipel - Johannes - Johannes 8

Johannes 8:27-37

Help us?
Click on verse(s) to share them!
27Iwe, resap weweiti pwe Jesus a kapas ngeniir usun Saman.
28Iei mine a üreniir, “Lupwen oupwe atekiatä ewe Nöün Aramas, mürin oupwe silei iö Ngang. Oupwe pwal silei pwe üsap föri och ren püsin ngang, nge üa chök apasa mine Semei a aiti ngeniei.
29Iwe, ewe mi tinieito a etiei. Esap likitiei ai üpwe aleman, pun üa föri mine a pwapwa ren fansoun meinisin.”
30Chomong aramas mi rongorong än Jesus kapas usun ekei mettoch ra lükü i.
31Mürin Jesus a üreni ekewe chon Juta mi lükü i, “Are oupwe aleasochisi ai kewe kapas, oupwe wesewesen nei chon kaiö.
32Oupwe silei ewe let, nge ewe let epwe angasakemi.”
33Iwe, ra pölüeni, “Äm aia mwirimwirin Apraham, esap fokun wor eman a nöünikem amanau. Met wewen om apasa, ‘Ämi oupwe ngasala?’”
34Nge Jesus a üreniir, “Enlet, üpwe wesewesen ürenikemi: Aramas meinisin mi föri tipis ra nonom fän nemenien tipis usun eman amanau.
35Eman amanau esap chon ewe famili a angang ngeni fansoun meinisin, nge eman nau i chon ewe famili tori feilfeilachök.
36Iwe, are ewe Nau a angasakemi, oupwe wesewesen ngasala.
37Ngang mi silei pwe ämi mwirimwirin Apraham. Nge ämi oua sotuni ämi oupwe nieila, pun ousap mochen etiwa ai kewe kapas.

Read Johannes 8Johannes 8
Compare Johannes 8:27-37Johannes 8:27-37