Johannes 4:33-39

³³Iei mine ekewe chon kaiö ra popuetä le kapasfengen lefiler, “Ifa usun, mi wor eman a uwato ren anan mongö?”

³⁴Jesus a üreniir, “Anei mongö ai üpwe aleasochisi letipen ewe mi tiniei o awesala ewe angang a awisa ngeniei pwe üpwe föri.

³⁵Ämi oua apasa, ‘Mi chüen wor rüanü maram, mürin epwe tori fansoun kinikin.’ Nge üpwe ürenikemi, ‘Oupwe nenengeniöchü ekewe tanipi, pun üän irän lon ra nupula, pwe ra öchün ar repwe kinikin.’

³⁶Ewe aramas mi kini ewe räs epwe angei liwinin, epwe ionifengeni ekewe ua fän iten manau esemüch. Iei usun ewe aramas mi fofot pwal ewe mi kinikin repwe pwapwafengen.

³⁷Pun a let ewe kapas, ‘Eman aramas a fofot, nge pwal ewe eman a kinikin.’

³⁸Ngang üa tinikemiila pwe oupwe kini üän eu tanipi ämi ousap angang ngeni. Pwal ekoch ra angang ikenan, nge ämi oua angei feiöchün ar angang.”

³⁹Iwe, chomong me lein ekewe chon Samaria lon ewe telinimw ra lükü Jesus, pun ewe fefin a üra, “A pwäri ngeniei mettoch meinisin üa fen föri.”