Johannes 19:16-22

¹⁶Mürin Pilatus a mwüt ngeniir Jesus pwe epwe iräpenges. Iwe, ekewe sounfiu ra angei Jesus.

¹⁷Iwe, Jesus a mwärei an iräpenges, a towu lükün ewe telinimw o feila lon ewe leni itan “Lenien Pösökün Mökür” lon kapasen Ipru “Kolkota”.

¹⁸Ikenan ra iräpengesi Jesus. Ra pwal iräpengesi ruoman mwän, eman a nom epek nge pwal eman epek, nge Jesus a nom lukalaper.

¹⁹Pilatus a makkei ekei kapas o pachetä won ewe iräpenges: “Jesus seni Nasaret, ewe Kingen chon Juta.”

²⁰Chomong aramas ra aleani ekei kapas, pun ewe leni ia Jesus a iräpenges ie a arap ngeni ewe telinimw. Ekewe kapas ra mak lon fosun Ipru, Latin me Krik.

²¹Iwe, ekewe souasor mi lap ra üreni Pilatus, “Kosap makkei ‘Kingen chon Juta’, nge kopwe makkei ‘Ei mwän a apasa: Ngang ewe kingen chon Juta’.”

²²Nge Pilatus a pölüeni, “Met üa makkei, ina chök met epwe nom.”