Johane 8:21-26

²¹Eme Jesu e harierâ ʒiŋuc jazawec: “No behec‐ŋopa rape ŋoŋe basacnurâ sâqocne‐ŋeŋichec juku hâmoniŋmu. No ra jupemu ira wemocko fâniŋmu.”

²²Iŋuc mume Judaŋic jaŋe mumbiŋ, “‘No ra jupemu ira wemocko fâniŋmu’, iŋuc wemocte mukac? Sahac‐ticne qarâ hâmoocte mukac me weniŋuc?”

²³Eme Jesuzi ʒiŋuc jazawec: “Ŋoŋe juwickonec, no faickonec, ŋoŋe mâreŋkonec, no mâreŋkonec mâcne.

²⁴No irec hâcne ŋazakopac: Ŋoŋe sâqocne‐ŋeŋichec juku hâmoniŋmu. No jukopac ʒi fuŋne‐nane ŋazaekopac i mi mana ʒakieniŋmuo, sâqocne‐ŋeŋic foŋarehame hâmoniŋmu hâcne.”

²⁵Mume wiocnerâ mumbiŋ, “Eme go mo?” Mupie Jesuzi jazawec, “Ŋazaekopac i jâmbâŋ hâcne.

²⁶No ŋoŋere bahac â kiŋdâŋ bocjaha bajuekopac. Sorecnuwec eki dâŋ fârine muekac, eme noni micticnaonec manapo ijaha ʒira mâreŋko mufuaekopac.”