60Kikefuŋfâc‐ticne jaŋeraonec bocjahazi dâŋ i manarâ mumbiŋ, “Dâŋ kecʒi manapene ququŋkenehec ekac, i mozi manaocmu?”
61Eme mu takic embiŋ i Jesu e maŋticnezi manarâ ʒiŋuc jazawec: “Dâŋ i manapie sâqorekac me?
62Eme Ŋic Fâri Wâtuŋnezi mârâc juweckoa risie feme manapie weniŋuc eocmu?
63Sahacte biuczi juju bâbâfua i mi fokac, juju bâbâfua i Mârore gie. No dâŋ ŋazaekopac i Mârohec â jujuhec.
64Eme ŋoŋeraonec tucnezi ine mana maŋ mi eeŋgopieŋ.” Jesu e miti‐ticne qikiŋneniŋmu jaŋe mârâcko mana tarac‐jopawec, â doc baocmu e mâmâc mana tarawec, irec dâŋ iŋuc jazawec.
65Erâ dâŋ moc ʒiŋuc ʒuhuckerâ muwec: “No irec hâcne kecʒiŋuc ŋazapac: Moc e Mamaczi mi baafeckeha norao fisirâ jujune mi fokac.”
66Eme dameŋ ira kikefuŋfâc‐ticne jaŋeraonec bocjahazi jume jujure takic‐jopame râpeckembiŋ.
Johane 6
Johane 6:60-66