Johane 12:3-8

³Ŋehapie Mariazi kiruŋ moc opâ âsu biaŋ furi sâko jâmbâŋ i rorâ Jesu kikene ruacnerâ qizec susuc‐ticnezi bâkereŋkewec. Eme fic âsu biaŋ fifârewec.

⁴Eme motec jaŋere âgo moc Juda Karioto haeonec docbapa ŋic, eki ʒiŋuc muwec:

⁵“Opâ âsu izi 30 kina kitâcneme ŋic hapetac jarepene sâckezac me!”

⁶E dâŋ i hapetac jaŋere manasuhuc mi muwec, e moneŋ kânoŋ wirec‐jeŋic bajuhuc moneŋ hume ro soŋsoŋ ejujec, irec muwec.

⁷Eme Jesuzi muwec, “Ŋoŋe ŋokac dâŋ mi mucneniŋ, e opâ âsu i sahac‐nane ruacneme hâmope ducnuniŋte irec biŋe hâcne bajuwec.

⁸Ŋic hapetac dameŋ sâc ŋoŋerao juhuc juniŋmu, no ine ŋoŋerao boc mi jupemu.”