Joaancha Laenai 21:14-23

¹⁴Nitohaniha Cana Coaunera Calaohi Jesoso, oo caje ichanaain, canacaanu rai ecoocane nichata sai cuhane.

¹⁵Inae nainaain canacaanu suri noitichaanune janate: “Jonasi calaohi Simoon, cau nenacaauru leeochaauru amuritoheriina ii coichana aina cutaain cacoelai” naain bajaa Cana Coaunera Calaohi Jesoso, Simoon Fedoro cajene jana: “Ejeen. Iite ichoelaihanune coitucuhicha curuaanaa,” naane jana: “Aihane quere esenetaurera beraihura,” naane baihate coaiteen:

¹⁶“Jonasi calaohi Simoon ii coichana aina cutaain cacoelaaina,” naain bajaa Jesocurisitone jana: “Iite ichoelaihanune coitucuhicha curuaanaa,” naane jana: “Aihane quere esenetaain tonoraeraauru beraihu,” naane jana coaiteen:

¹⁷“Jonasi calaohi Simoon, ii coichana aina cutaain cacoelaaina,” naain nichata saain bajaane jaunte, inaderaain: “Ejeen. Iite itolere coitucuhin, esinae ichoelaihanune coitucuhicha curuaanaa,” naane jana: “Aihane quere esenetaain tonoraeraauru beraihu.

¹⁸Esinaena aitoonra. Enamanaaneeinne banate, necoreeteein, chunijiu cunaa jereinajaaun curejetohi. Jana, inae biinaa neeinete, ichoii caaecaaecaaine jana, ichajione curujuaain, cunaa jereeneina jaaun niha natiin chamaaurureeincha,” nae Simoon Fedoro rai Jesoso.

¹⁹Niritoha Jesoso, “Naaonjoainna Cana Coaunera ere tonoraanune coreniha oha cureeunni,” naain coitucuha Fedorone coina. Nii baihate: “Quere tonoraeraneein neeu, inoaelu netiin,” naane jana,

²⁰jaotoroaalaain canu coaari Fedoro, acaauru caaijie cuhanune jaun.

²¹Nii jaunte: “Chataaenriha jana caa,” naa Fedorone janate:

²²“Chaquena aasare ichei. Canu jerichaaunete nacoauneein turuhanune que tiaaojoaain ichaonaa naine, Ii laaen quereecha tonoraau,” nae.

²³Niritohana jaunte, orihaunnijiecha naaure ita rai nii canu aina Cana Coaunera Calaohi coitucuurera. Coatiha oenerihanuhinne que aitohi. Netechu jataain, “Chaquena aasare ichei. Canu jerichaaunnete, coaiteen turuhanune que tiaaojoaain ichaore,” nae Fedoro rai caque Cana Coaunera Calaohi Jesoso.