Joaŋ 9:2-10

²Ma nê ŋacseŋomi têtu kênac eŋ gebe “Mêtêmôkê, asa gêgôm sec, ŋac tau me têna agêc tama, tec têna kêkôc eŋ tomatapecgeŋ.”

³Tec Jesu gêjô êsêac aweŋ gebe “Ŋac tau gêgôm sec atom. Têna agêc tama sêgôm sec atom. Eŋ matapec gebe Anôtônê kôm teŋ êtu awê êpi eŋ.

⁴Aêac tanam ŋac, taŋ kêsakiŋ aê naŋ, nê kôm êndêŋ eleŋŋageŋ. Ŋakesec êsa naŋ lau teŋ oc sênam kôm teŋ atom.

⁵Aê gamoa nom, tec katu nom tau ŋaja.”

⁶Kêsôm biŋ tonaŋ ma kêkasôp kêsêp nom, go kêjaliŋ e ŋalemoŋoma jakêkêŋ kêpi ŋac tau mataanô,

⁷go kêsôm gêdêŋ eŋ gebe “Ôna ma ônsaŋgu taôm aŋga bugêjactoŋ Siloam” (tanam ôkwi gebe “Ŋac taŋ sêsakiŋ eŋ naŋ.”) Amboac tonaŋ tec eŋ gêja kêsagu tau su ma gêmu gêja tomataanô gêlic gamêŋgeŋ.

⁸Ênê lau sackapoagêdô gêdêŋ tauŋa to êsêac, taŋ gêmuŋgeŋ sêlic eŋ keteŋ-keteŋ gêŋ naŋ, sêsôm gebe “Ŋac taŋ gêŋ gôŋ keteŋ-keteŋ gêŋ naŋ, ŋac tau tonec me masi.”

⁹Tec ŋagêdô sêsôm gebe “Aec, ŋac tau tonec.” Ma ŋagêdô sêsôm gebe “Masi, ŋac teŋ, taŋ laŋôŋanô kêtôm tau naŋ.” Ma ŋac tau kêsôm gebe “Aê tau tonec.”

¹⁰Go êsêac sêsôm gêdêŋ eŋ gebe “Asageŋ gêgôm matamanô kêpoa lasê.”