Joaŋ 7:27-43

²⁷Ŋac tônê aêac tajala ênê ŋamgac. Mago Kilisi tau embe êmêŋ, naŋ ŋac teŋ êjala ênê ŋam atom.”

²⁸Jesu kêdôŋ mêtê gêmoa lôm dabuŋ, tec kêsôm biŋ kêkac awa sageŋ gebe “Amac tec ajala aê to ajala ŋoc ŋam me masi. Tauc ŋoc ŋalêlôm kêkac aê tec gamêŋ nec atom. Eŋ taŋ kêsakiŋ aê naŋ, ŋac biŋŋanoŋa tau, naŋ amac ajam kauc eŋ.

²⁹Aê tec kajala engac, gebe aê aŋga ênê, ma eŋ kêsakiŋ aê tec gamêŋ.”

³⁰Êsêac dêdib eŋ gebe sêkôc eŋ tôŋ, mago ŋac teŋ lêma kêsac eŋ atom, gebe nê noc kêdabiŋ atom tageŋ.

³¹Lau taêsam sêkêŋ gêwiŋ eŋ ma sêsôm gebe “Kilisi tau embe êmêŋ, oc êŋgôm gêŋtalô wakuc ondoc êlêlêc ŋac tonec su.”

³²Parisai sêŋô gebe lau sêli aweŋ sa amboac tonaŋ, tec lau dabuŋsêga to Parisai sêsakiŋ sakiŋwaga sêja sebe sêkôc eŋ tôŋ.

³³Ma Jesu kêsôm gebe “Aê jamoa sauŋgeŋ jawiŋ amac acgom, go jandêŋ ŋac, taŋ kêsakiŋ aê gamêŋ naŋ jana.

³⁴Amac oc ansom aê e atap aê sa atom, ma gamêŋ, taŋ aê jaŋgôŋ naŋ, amac oc atôm gebe naasa atom.”

³⁵Tec Juda sêsôm gêdêŋ tauŋ gebe “Ŋac tônê gebe êna ondoc, tec kêsôm gebe aêac tatap eŋ sa atom nê. Eŋ gebe êndêŋ lau Helen me.

³⁶Biŋ tec eŋ kêsôm gebe ‘Oc ansom aê e atap aê sa atom,’ ma ‘Gamêŋ taŋ aê jaŋgôŋ naŋ, amac atôm gebe naasa atom,’ nec ŋam amboac ondoc.”

³⁷Gêdêŋ omsêga ŋabêc kapôêŋ ŋamuŋa naŋ, Jesu gêdi ŋa ma kêsôm kêkac awa sageŋ gebe “Ŋac teŋ embe bu êjô eŋ, go mêŋênôm aŋga aêŋoc.

³⁸Ŋac taŋ kêkêŋ gêwiŋ aê kêtôm biŋ, taŋ teto gêc naŋ, gebe ‘Bu mata jaliŋa êc ŋasamac kapôêŋ êsa aŋga ênê ŋalêlôm êna.’”

³⁹Biŋ tonaŋ eŋ kêsôm kêpi Ŋalau. taŋ eŋ gebe lau-sêkêŋ-gêwiŋwaga êkêc aŋga ênê. Jesunê ŋawasi kêsa atomgeŋ, tec Ŋalau gêmêŋ atom tageŋ.

⁴⁰Lau taŋ sêŋô biŋ tonaŋ nêŋ ŋagêdô sêsom gebe “Ŋac tonê eŋ propete tau, biŋŋanô.”

⁴¹Ma ŋagêdô sêsôm gebe “Ŋac tônê eŋ Kilisi tau.” Mago ŋagêdô sêsôm gebe “Kilisi êsa aŋga Galilaia me.

⁴²Biŋ taŋ teto gêc naŋ, amboac tonec gebe Kilisi êsa aŋga Dawidnê ŋawê ma êsa aŋga malac Betlehem, taŋ Dawid gêŋgôŋ naŋ êmêŋ.”

⁴³Amboac tonaŋ lau sêwa tauŋ kêkôc kêtu Jesuŋa