Joaŋ 4:43-54

⁴³Bêc luagêc tonaŋ gêjaŋa, go Jesu gêdi aŋga tonaŋ gêja Galilaia.

⁴⁴Eŋ tau tec kêsôm lasê gebe “Propete teŋ oc tetoc eŋ sa aŋga tau nê malac atom.”

⁴⁵Gêdêŋ taŋ jagêô lasê Galilaia naŋ, lau Galilaiaŋa sêkôc eŋ sa kêtu sêlic gêŋ samob, taŋ gêgôm gêdêŋ om gêmoa Jerusalem naŋŋa, gebe tauŋ sêlic om tonaŋ sêwiŋ.

⁴⁶Amboac tonaŋ gêmu gêja Kana Galilaiaŋa, taŋ gêjam bu ôkwi kêtu wain naŋ. Kiŋnê ŋac teŋ gêmoa Kapanaum, naŋ latu gêmac gêc.

⁴⁷Ŋac tau gêŋô Jesu aŋga Judaia gêmêŋ Galilaia ŋawae ma gêdêŋ eŋ jaketeŋ eŋ gebe êsêp êwiŋ eŋ naêŋgôm ênê latu ôli ŋajam êsa, gebe eŋ awa kêtu dambê.

⁴⁸Ma Jesu kêsôm gêdêŋ eŋ gebe “Amac embe alic gêŋtalô to gêŋsêga atom, oc akêŋ êwiŋ atom.”

⁴⁹Tec kiŋnê ŋac kêsôm gêdêŋ eŋ gebe “Apômtau, ôsêp ôwiŋ aê ŋagaô, gebe ŋoc ŋapalê oc êmac êndu.”

⁵⁰Ma Jesu kêsôm gêdêŋ eŋ gebe “Ôna, latôm oc êmoa mata jali.” Ŋac tau kêkêŋ gêwiŋ biŋ, taŋ Jesu kêsôm gêdêŋ eŋ naŋ, ma gêja.

⁵¹Kêsêlêŋ gêmu kêsêp gêmoa ma nê sakiŋwaga sêpuc eŋ tôŋtôŋ sêja e sêsôm gêdêŋ eŋ gebe “Latôm gêmoa mata jali.”

⁵²Eŋ kêtu kênac ockatu ŋasawa, taŋ ŋac tau ôli kêpôlac tau su naŋŋa gêdêŋ êsêac e sêsôm gêdêŋ eŋ gebe “Gêdêŋ nôgeŋ katuŋ gêmu kêsa ma ôli ŋandaŋ gawi eŋ siŋ.”

⁵³Ma tama kêjala gebe oc kêtôm tonaŋ, tec Jesu kêsôm gêdêŋ eŋ gebe “Latôm oc êmoa mata jali.” Amboac tonaŋ êsêac to nê gôlôac samob sêkêŋ gêwiŋ Jesu.

⁵⁴Gêŋtalô tonaŋ Jesu gêgôm kêtu luagêc gêdêŋ taŋ gêmu aŋga Judaia gêja Galilaia naŋ.