Joaŋ 2:4-24

⁴Ma Jesu kêsôm gêdêŋ eŋ gebe “Awê, aêagêcnêŋ asageŋ ŋagêdô gadêŋ tauŋ. Ŋoc noc mêŋkêsa atom tageŋ.”

⁵Go têna kêsôm gêdêŋ sakiŋwaga gebe “Eŋ embe êsôm biŋ teŋ êndêŋ amac, naŋ aŋgôm.”

⁶Lau tau nêŋ kupoc buŋa 6 kêkô kêtôm Judanêŋ biŋ sêkwasiŋ tauŋ têtu selecŋa. Ku tau tageŋ ŋalêlôm kêtôm sêsêwa bu bakep luagêc me têlêac êsêpŋa.

⁷Tec Jesu kêsôm gêdêŋ êsêac gebe “Asuŋ bu êsêp ku tonaŋ e mêŋêc.” Tec êsêac sêsuŋ bu kêsêp e mêŋgêc poap tageŋ.

⁸Go kêsôm gêdêŋ êsêac gebe “Galoc akati ma akôc andêŋ Ŋac-kêsaê-gêŋwaga ana.” Tec êsêac sêkôc sêja.

⁹Ŋac-kêsaê-gêŋwaga kêsaê e gêlic bu kêtu wain ma gêjam kauc ŋam. Tageŋ sakiŋwaga, taŋ sêsuŋ bu tau naŋ, tec sêjalagac. Go gêmôêc ŋac-gêjam-awêwaga

¹⁰mêŋkêsôm gêdêŋ eŋ gebe “Lau samob sêkêŋ wain ŋajam lau sênôm gêmuŋ e kêtôm, go sêkêŋ wain ŋaôma kêdaguc. Ma aôm kôgamiŋ wain ŋajam e galoc, go kôkêŋ.”

¹¹Jesu gêjac m nê gêŋtalô kêpi gêŋ tonaŋ aŋga Kana Galilaiaŋa ma geoc nê ŋawasi lasê, ma nê ŋacseŋomi sêkêŋ gêwiŋ eŋ.

¹²Gêgôm gêŋ tonaŋ su, go agêc têna ma lasii to nê ŋacseŋomi sêsêp Kapanaum sêja jasêmoa tonaŋ bec ŋagêdô.

¹³Judanêŋ Pasa kêdabiŋ, tec Jesu kêpi Jerusalem gêja.

¹⁴Aŋga lôm dabuŋ eŋ kêtap sa gebe lau sejoŋ bulimakao to domba ma balôsi gebe lau sênam ôli, ma sêjô-monewaga sêŋgôŋ sêwiŋ.

¹⁵Tec gêjam lêpoa kêtu bôcômbiŋ ma kêjanda êsêac samob to nêŋ domba ma bulimakao aŋga lôm dabuŋ sêsa awê sêja. Go kêsêwa sêjô-monewaga nêŋ mone siŋ ma kêtiŋ tebo piŋpoŋ.

¹⁶Ma kêsôm gêdêŋ lau-têtulu-balôsiwaga gebe “Akôc gêŋ tau sa êsa awê êna. Aŋgôm Tamocnê andu Êtu andu sênam ôli gêŋŋa atom.”

¹⁷Ma nê ŋacseŋomi taêŋ gêjam biŋ, taŋ teto gêc naŋ gebe “Gaim tauc su katu nêm anduŋa.”

¹⁸Tec Juda têtu kênac eŋ gebe “Aôm gôgôm gêŋ amboac tonaŋ, naŋ ôwa taôm sa ŋa gêŋtalô ondoc êndêŋ aêac.”

¹⁹Ma Jesu gêjô êsêac aweŋ gebe “Embe anseŋ lôm dabuŋ tonec su ma oc jakwê sa êtôm bêc têlêac êtiam.”

²⁰Tec Juda sêsôm gebe “Lôm dabuŋ tecenec sêkwê sêmoa e jala 46 gêjaŋa, ma aôm tonaŋ gobe ôkwê sa êtôm bêc têlêac me.”

²¹Jesu kêsôm biŋ lôm dabuŋŋa tonaŋ kêpi tau ôli.

²²Gêdêŋ taŋ Anôtô gêŋu Jesu sa aŋga ŋacmatênêŋ naŋ, nê ŋacseŋomi taêŋ gêjam ênê biŋ tau tonaŋ ma sêkêŋ gêwiŋ biŋ, taŋ teto gêc to biŋ Jesu kêsôm naŋ.

²³Jesu gêmoa Jerusalem gêdêŋ omsêga Pasa ma gêgôm gêŋtalô lau taêsam sêlic, tec sêkêŋ gêwiŋ ênê ŋaê.

²⁴Mago Jesu kêkêŋ tau paŋ-paŋ gêdêŋ êsêac atom, gebe kêjala êsêac samob,