Joãu 6:7-14

⁷Nxe³nxa²ha¹te¹, Fi³li²pah³lai²na² wãn³txi³kxai³lu¹, ĩ³wa²lũ³xi²te³nah¹lxi¹: — A²yain³txi³nũ̱³xa² hxi²kan¹txi³ ũ³yho³hxi²sxã³ so¹kxi²ki̱³sxa³lho³li¹. Nxe³ju³ta², a²nũ²a² ka³na³ka³na³jah¹lo²na¹xai²na², kwẽ³kxa² hãi¹nxe³ti³xa² wa³ko³ni² yxau²xai³lhxã³ wa³kon³sa²tẽ³na¹kxai²nãn²tu̱³, hxi²kan¹txi³ ũ³yho³hin²nxa³lho³li¹. A²nũ²a² ka³lxa¹tũ̱³ka̱³txai²na² yain³txa² jũ¹nxe³tũ̱³xa² he³la³ko³ ũ³hũ²xai³ki̱³txai²li¹. Ta¹hxai²hẽ¹la².

⁸Nxe³ain¹tãu³, a²sa³wi³sxa² a²ĩ³lxa² Ãn³tre²ah³la², Si³mãu² Pe²jah³la² a²lon³yah³la² te²wãn³txi³kxai³lu¹:

⁹— Txa²hxi²kan¹jah¹lãi³. In³txa² wẽn³su² na³li¹. A²nxe³jah¹la² yain³txi³nũ̱³xa² nũ̱³ha¹li¹ nũ̱³ha¹li¹ ka³na³ki¹ yũ², a̱i³na² ha¹li¹ yu̱², nx2na³li¹. Yxãn¹ta¹, a²nũ²a² ka³lxa¹tũ̱³ka̱³txai²la¹i¹. Wi¹lhit1sxã³ yain³txai²na² ũ³hũ²xai³ki̱³kxe³su² te²la¹ku¹, na¹nhai¹.

¹⁰Yxãn¹ta¹ Je³su²jah³la² wãn³txa² nxe³te³nah¹lxi¹: — Nxe²nxa³i¹. ówxe³si¹hain¹yah³lxin¹jau³su² a²nũ²a² yxo²ha³kxa¹ ĩ³ye³kxi¹txain¹yah³lxi³hẽ¹li¹. Ta¹hxai²hẽ¹la². A²nxe³ko³xa², ha³lo²a² si³sa² au³nũ¹lhi²ko³xa² kãin²ko³xa² ye²ta¹hxai²hẽ¹la². Nxe³ha²kxai³ in³txi³nũ̱³ka̱³txa² wa̱³li̱³kha³lhon¹tũ̱³ka̱³txa² 5.000 nxe² wa̱³li̱³kha³lhon¹tũ̱³ka̱³txi³su² ta¹hxai²hẽ¹la². A²nxe³tũ̱³ka̱³txai²na² ã³wxe²xai³ain¹ta¹hxai²hẽ¹la².

¹¹Ã³wxe²xai³ain¹ka³tu̱³ Je³su²jah³lai²na² sa²kxai³lu², a²yain³txi³nũ̱³xai²na² sa²so¹sxã³ Txa²wã¹sũ̱³na² Si³yxau³tãu³a¹ ĩ³wi¹lxo³kxi²ki̱³jau³xa² ĩ³ye³ta³lun²ka³tu̱³, a²nũ²a² ã³wxe³yain¹tũ̱³ka̱³txai²na² sa²kxai³lu² ũ³hũ²xai³ain¹ta¹hxai²hẽ¹la². Jã¹nxe³te²hũ̱³nxe² a̱i³na² ũ³hũ²xai³ain¹ta¹hxai²hẽ¹la².

¹²Nxe³sxã³, a²nũ²a² wa̱³li̱³kha³lhon¹tũ̱³ka̱³txai²na² yxo²ha³kxa¹ ũ³ki²lã³ain¹ta¹hxai²hẽ¹la². Ũ³ki²ta³lu²nain¹te²ka³ka¹: — A²yain³txa² a²wã³kon³kxa²kxai³, wxa²sa²wxe³jah³lxi³hẽ¹li¹. Kwa²ãn³tĩ¹kxi²nẽ³lha³tai¹. Je³su²jah³lai²na² wãn³txa² a²sa³wi³ha³lxi³nãu³xa² nxe³yain¹ta¹hxai²hẽ¹la².

¹³Jã¹nxain¹te²ka³ka¹, yain³txi³nũ̱³xai²na² ha¹li¹ ha¹li¹ ka³na³ki¹ nxe³tũ̱³xai²na² wxa²sa²so¹xi²nũn³sxã³ ha³ti²a² hxi²ka² hxan³sxã³ ha¹li¹ wxa²sa²so¹xi²nũn³tẽ³na², ne³ki²lhain¹ta¹hxai²hẽ¹la².

¹⁴Nxe³nxa²ha¹te¹, a²nũ²a² nũ̱³ka̱³txai²na² wãn³txi³kxai³lu¹, ha³lo²a² nũ̱³kxũn³ju³tai²na² ĩ²ain¹ka³tu̱³, ĩ³ye³kxi² nxe² ka³li³yhain¹te³nah¹lxi¹: — A²ya³la³tu̱³, Je³su²jah³lai²na² Txa²wã¹sũ̱³na² Si³yxau³tãu³u¹tai²na² wãn³txa² ĩ³hen³txi³nẽ³jah¹la² Sũ̱³na² hxi²ka² ĩ³sa²si¹hã³ũ¹nhẽ³kxah³lai²la¹i¹. Ta¹hxai²hẽ¹la².