João 9:17-19

¹⁷— Pãm ẽn? — io'e ip ita'ũm tũibit pe. — Ixe etadaat. Abu ixe exe? — io'e ip. — Deus ekawẽn muwẽnuwẽn'ukat xeku — io'e ita'ũm tũibit.

¹⁸Judeuyũ kukuk'ukayũ ibu'u ip o'e jetabut am ita'ũm tũibit a'õ kay. — Ita'ũm g̃u teku osunuy — io'e ip itabut'ũm puye. Imẽnpuye ita'ũm tũibit ebay o'g̃udot ip, ixi dak. O'jekawẽn ip ceweju ip yajẽm puje.

¹⁹— Ekpot tu ig̃o? — io'e ip cebay be. — Hm hm. Okpot ig̃o — io'e cebay. — Ita'ũm tu o'kap? — io'e ip. — Hm hm, ita'ũm g̃oku o'kap. — Apẽn tak o'jewetada g̃asũ? — io'e ip cebayũ be.