Jesu tondiba tuona 18:1-4

¹Lan ya puoli, Polo den ñiani Atena ki gedi Kolinta.

²Lan po, o den sua Jufi yendo ke bi yi o Akilasa Pono yua, ke o den cua cancani Italia yeni o pua Pricila kelima loma bado kiloda den cedi leni u paalu ke bi ñani jufinba kuli loma diemani. Nani bi kuli n den pia tuonbuo yendu yeni,

³Polo den kali bi deni, ke bi ji den taa ki tuuni. bi den tagi ti gbandiedi .

⁴Mi fuodima daali kuli, Polo yen maadi U Tienu maama U Tienu dieli nni, o maama den siiga jufinba leni gelekinba pala.