Jesaja 1:27-31

²⁷Zioŋ e bâbâtiŋ fuacneha firuezo, â maŋnao juhuc maŋjeŋic bârisieniŋmu jaŋe tiŋne jujure faio firuec‐jopazo.

²⁸Kâcɋene fejarehuc jujune â sindaŋŋic jaŋe ine mâmâc bâsirowec‐jopazo, eme Wofuŋ râpeckembiŋ jaŋe omaeniŋmu.

²⁹Eme boriŋjâcte aŋac‐ŋopaekac irec mimienʒepieŋ â jufu bâtirimbiŋ irec weaŋkenʒepieŋ.

³⁰Ehuc boriŋ rehacne ururuckeekac irec sâc enʒepieŋ, â jufuzi opâ basarâ hahaŋkeekac iŋucne.

³¹Eme ŋic tâpiri sanaŋ eki semune ehuc mujawezejec, â meqâreŋ‐ticnezi ʒoc uucne ezejec! Eme jahe turerâ qâqâhâsâc erâ ʒapire moczi moc ʒoc mi qâhâpozejec.