Jesaja 10:14-16

¹⁴Ŋicguru jaŋere mafa mâriri rowaŋ i menanezi wawaŋ sesuc iŋucne bâfuawec; â ŋiczi wawaŋ hândâŋ ro amec eeŋgopieŋ, iŋuc mâreŋ sâc wiac ro nusec epo. Eme moczi moc fakecnezi qiriŋ mi qawec, me micne aŋkerâ dâŋ wâc mi dâŋewec.”

¹⁵Hâc, ŋic nâŋâc râriczi jâc wiac qaeŋgopeneŋ, râric izi sâcne pepecne enâreocmu? Me sege baeŋgopeneŋ izi penaroŋ dâŋ muocmu? Hutizi wemocko ŋic rorâ fotarieocmu? Me ɋaruczi wiac jujune rorâ bâfeŋneocmu?

¹⁶Irec Wofuŋ, Anutu Tâpiri Ɋuŋɋasaŋ Wofuŋ, e Asiria momori biuc sâkohec jaŋe hucsanaŋ sore‐jareocmu, â eri qaraweŋ‐jeŋic turuŋkeme bâruŋkerâ ʒoc iŋucne ʒaocmu.