Text copied!
CopyCompare
an Bibl - Jean - Jean 7

Jean 7:9-17

Help us?
Click on verse(s) to share them!
9Hag o vezañ lavaret kement-se dezho, e chomas e Galilea.
10Met, pa voe aet e vreudeur, e pignas ivez d'ar gouel, neket a-wel d'an holl, met evel e-kuzh.
11Ar Yuzevien eta a glaske anezhañ e-pad ar gouel, hag a lavare: Pelec'h emañ?
12Hag e voe ur brud diwar e benn e-touez ar bobl. Darn a lavare: Un den mat eo; ha darn all a lavare: Nann, met touellañ a ra ar bobl.
13Koulskoude, den ne gomze frank anezhañ, gant aon rak ar Yuzevien.
14War-dro hanter ar gouel, Jezuz a bignas en templ, hag a gelenne.
15Ar Yuzevien a oa souezhet hag a lavare: Penaos ec'h anavez an den-mañ ar skriturioù, o vezañ n'en deus ket o desket?
16Jezuz a respontas dezho: Va c'helennadurezh n'eo ket ac'hanon, met eus an hini en deus va c'haset.
17Mar fell da unan bennak ober bolontez Doue, ec'h anavezo hag-eñ eo va c'helennadurezh eus Doue, pe ha me a gomz ac'hanon va-unan.

Read Jean 7Jean 7
Compare Jean 7:9-17Jean 7:9-17