24Vašoda phenďom tumenge, hoj merena andre tumare bini. Bo te na pačana, hoj Me Som, merena andre tumare bini.”
25Akor leske phende: “Ko sal tu?” O Ježiš lenge odphenďa: “Me som oda, so furt tumenge phenavas.
26Hin man but pal tumende te vakerel a te sudzinel. Ale oda, ko man bičhaďa, hino čačo a me vakerav le svetoske oda, so šunďom lestar.”
27No on na achaľile, hoj lenge vakerelas pal o Dad.
28Avke phenďa o Ježiš: “Sar hazdena upre le Čhas le Manušeskeres, akor džanena, hoj me som a hoj korkoro mandar na kerav ňič, ale vakerav avke, sar man sikaďa miro Dad.