Text copied!
CopyCompare
Bible Gourmantche - Jan - Jan 7

Jan 7:6-51

Help us?
Click on verse(s) to share them!
6Jesu maadi ba: n yogu da ki pundi ŋama yinbi wan ya yogu peli yogkuli.
7ŋanduna kan fidi ki kuad i, min, o kuadn, ki dugni n tie o sieda yua n wang o k o tuona ki ŋani.
8Do mani, yinbi, li jaam po, min wani da kan do ki dugni n yogu da ki pundi.
9Wan maadi ba k gben, k o ñindi Galile
10O ninjab n doni mi jaam po, li puoli po k o ŋɔd li wuolin k bi niba k lagu.
11Mi jaam yogu, k jufinba kpaan o ki maadi: o ye leee?
12O niwuligun nni bi maadi o po ki tua: o tie nimɔni (ŋantaadi daani), bi tianbi mɔ ya po: n n, o bɔndi bi niba(o tiendi ti belbɔndi).
13Bi nibi den jie yeni ban maadi jesu po jufinba gbadi.
14Mi jaam ji mangi ki kua siinga yo ki jesu kua o jandiegu nni ki cili ki cogni U Tienu maama.
15Ki li ya k lidi jufinba k bi maadi: o tieni ledi ki bani mi cogma ki nan ki kua o cogu( kalaatu).
16K Jesu ŋmianba: n yikod k tie n yali ka, ama yua n sɔn nni yali
17Yua bua tie o buam, o b bandi ki lia n yikod ñaa U Tienu kani bii n palu po.
18Yua maadi o yuli po, kpaani o ñuadi baba i, ama, yua kpaani yua n sɔn o ya ñuadi, tie yua mɔni k k bua jɔdi ki maadi i mɔmɔni o ba nni.
19Moyiis den ki teni li yikodi? Ama siign nul ki cɔlnil li yikod. Be ya po i ki kpaani ki yin kpa nni?
20K o niwuligu guani ji jiin o: ti cicibiadm ŋua a. Bi le n kpaani ki ban kpa a ni?
21K i Jesu yediba: tuonyenli baba k n tieni ki li yaa ki lidi i kuli ne.
22Moyiis bo teni yin ba cɔlni, l bo ki ñani Moyiis kan ka, li bo cili yajaanba kani ki ti kɔndi bo cili, k a kɔndi saaba daali
23Nil ya gaa ti kɔndi saaba daali k nan cɔlni Moyiis yikodi, be ya po i ki kɔn yen n k paagi o yiamo saaba daali?
24Da bu mani yeni lugdm ama ya bu mani yeni i mɔmɔni
25Jerusalema yaaba siiga, b tianba ń yedi, “Ban lingi yua ki bua kpa ka ne ee?”
26Diidi, wani n maadi wan bua maama yeni, ke bi nan ki maadi o libakuli. Daalinba yikodanba ki bani ke wani n tie Kiristo, bii laa tie yeni ii?
27Ama ti bani li nilo ń ñani naankani wani.”
28Ke Jesu tandi ku jaandiegu nni, ki tundi, ki tua, “I bani nni, ki go bani min ñani naani. N ki cua n yuli po ka, Yua n sɔni nni yeni tie o mɔmɔndaano i, i ki bani o.
29N bani o, kelima n nani o kani i, wani n sɔni nni.
30Bi den bigni ke ban cuo o, ama, obakuli den ki maani o nuu o po, kelima, o yogu dá den ki pundi.
31Ama ku niwulgu nni, boncianli den tuo ki dugi o po, ki tua, “Kiristo ń ba ti cua ya yogu, o ba fidi ki tieni yaali n cie ya bancianma yeni ya yaalidgu n tie ne ee?”
32Farisienba den gbadi ke ku niwulgu sɔbni ki maadi li Jesu maama, ke salga yidkaaba yeni Farisienba sɔni a jakɔnda yudanba, ke ban cuo o.
33Ke Jesu yedi, “N dá ye yeni yi u you waamu, ki ba ti yuandi ki guani yua n sɔni nni po.
34I ba lingi nni, ama, i kan la nni; min caa naani, i kan fidi ki cua likani.”
35Ke juufinba ji maadi bi ŋmiali nni, Ya nilo ne caa le i, ke ti ba lingi o kikan la o oo? O bua gedi yaaba n yadi ki kua bi nilanba siiga ki ban ya tundi ba bii?
36Wan maadi ya maama ne mɔ tie be i, 'I ba lingi nni, i kan la nni; min caa naankani, i kan fidi ki pundi likani'?”
37Mi jaanma damiidi ligi i, li daacianli daali, Jesu den tandi, ki maadi, ki tua, “U ñuñuunu ya pia yua, wan cua n kani ki ñu.
38Nani i diani nni, lan yedi yaali maama, “Yua n dugi n po, li miali kpenu ñima ba puubi o niinni.
39O den maadi Foŋanma maama, yaama ke yaaba n dugi o po ba baa; bi dá́ ki puuni Foŋanma, kelima, Jesu dá ki la o kpiagdi.
40Ku niwulgu nni, nitianba ń gbadi lanya maama, ke bi yedi, “O li tie sawalpualo i yeni i mɔni.”
41Ke nitianba yedi, “Kiristo n yeni.” Ama ke nitianba mo yedi, “Kiristo ñani Galile yo oo?
42I diani nni, bi ki yedi ke Kiristo ba ña Dafiidi cugli nni ka aa, ki tie Betehema, Dafiidi dongbanli nni ka aa?”
43Lanwani ii, ke mi paadma tieni bi siiga nni o po.
44Nitianba den bua ban cuo o, ama obakuli den i maani o nuu o po.
45Ke sejenba yudanba guani ki la salga yidkaaba yeni farisienba, ke bi buali ba, “Li tieni ledi i, ke yii guani yeni o?”
46Ke sejenba yudanba jiini, “Tii kpeli ki la ya nilo n maadi nani wani yeni.”
47Ke farisienba buali ba, “i mɔ bodi n yeni ii?
48Yikodanba bii farisien bi ye lienni, ki tuo ki dugi o po oo?
49Ama ya niwulgu n ki bani yiko ne, sola bi po.”
50Nikodema, (ya farisien n den tuodi ki dugi o po) yedi ba,
51Ti yiko cabi ke ban jia nilo ti buudi kaa cengi o ki bandi wan tieni yaali ii?

Read Jan 7Jan 7
Compare Jan 7:6-51Jan 7:6-51