Text copied!
CopyCompare
Le Devleskero Lav Andre Romaňi Čhib 2019 - JAN - JAN 5

JAN 5:17-24

Help us?
Click on verse(s) to share them!
17O Ježiš lenge odphenďa: “Miro Dad furt kerel, vašoda the me kerav.”
18Vaš oda lav les o Židi mek buter kamenas te murdarel, na ča hoj o Šabbat na doľikerel, ale mek the le Devles vičinel Dado a kerel pestar jekh le Dadeha.
19Avke lenge o Ježiš odphenďa: “Čačes, čačes tumenge phenav, o Čhavo našťi kerel ňič korkoro pestar, ča oda, so dikhel te kerel peskere Dades. Avke sar kerel o Dad, kerel the o Čhavo.
20Bo o Dad rado dikhel le Čhas a sikavel leske savoro, so ov kerel. A sikavela leske mek bareder veci sar kala, hoj pes tumen te čudaľinen.
21Bo sar o Dad uštavel le mulen a obdžiďarel len, avke the o Čhavo, kas kamel, obdžiďarel.
22Bo o Dad na sudzinel ňikas, ale savoro sudos diňa le Čhaske,
23hoj savore te den pačiv le Čhas, avke sar den pačiv le Dades. Ko na del pačiv le Čhas, na del pačiv le Dades, savo les bičhaďa.
24Čačes, čačes phenav tumenge, hoj hin večno dživipen oles, ko šunel miro lav a pačal oleske, ko man bičhaďa. Na džala pro sudos, ale pregeľa andral o meriben andro dživipen.

Read JAN 5JAN 5
Compare JAN 5:17-24JAN 5:17-24