Text copied!
CopyCompare
Di Nyoo Testiment eena Bileez Kriol - Jan - Jan 4

Jan 4:32-35

Help us?
Click on verse(s) to share them!
32Bot Jeezas tel dehn seh, “Ai ga ting fi eet weh unu noh eevn noa bowt.”
33Soh di disaipl dehn seh tu wan anada, “Nobadi neva bring notn fi hihn eet, noh chroo?”
34Jeezas seh, “Da jos laik food tu mee wen Ai di du weh Gaad waahn Ai du. Da hihn da di Wan weh sen mee, an Ai hafu finish weh hihn sen mi fi du.
35Unu noh seh, ‘Foa monts moa ahn den da taim fi reep di krap?’ Bot Ai di tel unu, luk rong ahn si how di feel dehn raip raip ahn redi fi reep.

Read Jan 4Jan 4
Compare Jan 4:32-35Jan 4:32-35