11Čačes, čačes phenav tuke, hoj so džanas, phenas a oda, so dikhľam vakeras avri, no tumen na prilen amaro sveďectvo.
12Te tumenge vakerav pal o veci andre kada svetos a na pačan, sar paľis pačana, te tumenge vakerava o veci pal o ňebos?
13Ňiko na geľa upre andro ňebos, ča oda, ko avľa tele andral o ňebos, o Čhavo le Manušeskero.
14Avke, sar o Mojžiš pre pušťa hazdňa upre le sapes, mušinel te el upre hazdlo o Čhavo le Manušeskero,
15hoj sakones, ko pačal andre leste, te el o večno dživipen.
16Bo o Del avke kamelas o svetos, hoj peskere jekhore Čhas diňa, hoj ňiko, ko pačal andre leste, te na merel, ale te el les o večno dživipen.
17Bo o Del na bičhaďa pro svetos peskere Čhas, hoj te odsudzinel o svetos, ale hoj les te spasinel.
18Oda, ko pačal andre leste, na ela odsudzimen. Ale oda, ko na pačal, imar hino odsudzimen, bo na pačanďiľa andro nav le Devleskere jekhore Čhaskero.