2Ka marlaku pinirringu, wajalkura-linyaju Jiijajmili wangka-ninti kujarrangka, ngayungkakamu Piijangka, 鈥淢aaja-lampaya manu kangu pirnkijanu. Katinguya wanyjangka ngarrijunu?鈥
3Kulirnukaliju walarringu pinirringu Piijakamu.
4Ngayurna pinirringu kurranyirringu pirnkingka Piijangkamarrarnalura.
5Pupatingukarna nyangu pantijiwiyaju ngarripayi, mirtarna pirnkingka jarrpangu.
6Piija yanurni pipurru pirnkingka jarrpangu, ka nyangu pantiji,
7katawanaya karrpinyjajanulurrju ngarripayi. Katawanajanunga pantijinga jaalpu ngarripayi.
8Karna ngayulu Jaanju jarrpangu nyangu, karna kulirnu, 鈥淵ilta Miirimili wangka kunyjunyu, mirta ngarrinpa ngaangka.鈥
9Palu tayimulaju Jiijajmili wangka-nintikajalu mirta kulilpayi, Jiijajpa wankarrira. Mamamili wangka julyjujanu ngarripayi Kurayijpa wankarrira, mitujanu. Mirtalaju wangka jiiwana kulilpayi.
10Palujanuliju marlaku yanu ngurrakarti.
11Miiringa wulu yikira yulapayi, pirnkingka, kayila pupangu pirnkingka nyakukija.
12Ka-pulanya nyangu kujarra Mamamili wikarru kujarra, kuluju wayitwanwinti, kuju nyinapayi katawarti, kujupa nyinapayi jinawarti, Jiijajpa ngarrinyjajanungka.
13Japirnurapula, 鈥淲anti. Nganakuran yulinpa?鈥 Wajarnu-pulampa, 鈥淜arlkiluya manu kangu ngayumili maaja. Wanyjangkaya ngarrijunu?鈥
14Kayila pijurringu nyangu martu yikipayi, mirta kulirnu jiinya Jiijajpa. Jiijajjura japirnu,
15鈥淲anti. Nganakuran yulinpa? Nganakuran ngurrirninpa?鈥 Miirilu kaatanmayapurluka kararnu, kara japirnu, 鈥淵iipin nyuntulu manu kangu, wajalarni!, wanyjangkan ngarrijunu, kayilarna ngayulu yanku manku.鈥
16Jiijajjura wajarnu, 鈥淢iiri.鈥 Kayila Miirilu pijurringuka wajarnu Yaramayik wangkawintilu, 鈥淩apuna.鈥 Jilanya wajarnu, 鈥淣intipuka.鈥
17Ka Jiijajjura marrkurnu, 鈥淢irtarni yampula!, ngayurnalu kuwarri Mamakarti yaninpa. Yarra-jananya ngayumili walyjakajangka jakurljula jilanya!, 鈥楴gayurnalu kuwarri Mamakarti yaninpa, maaja majukarti. Palunyalurrju-janampa Mama ngarnawarrapurluka nyininpa, maaja maju.鈥欌
18Ka-jananya Miirilu yanu jakurljunu, Jiijajmili wangka-nintikajangka, 鈥淛iijajparna kuwarri nyangu.鈥 Ka-jananya jakurljunu wangka Jiijajmili.
Jaanmili 20
Jaanmili 20:2-18