Jɔnn 9:11-19

¹¹Le u bui bi, “Uja u bi yin u ke Yesu na, uma le nan di titan pɔl nnimbil, le ki bui mi ke m li cha Siloam aanyunbun ni ki ti finn nnimbil. Le m buen ti finn, le nnimbil likr.”

¹²Le bi baa u, “U bi la chee?” Le u bui bi, “Maa nyi.”

¹³Le bi di u buen Farisii yaab chee.

¹⁴Bundaln Yesu ŋa titan ki likr unimbil na nan ye Juu yaab aakpaakool daal la.

¹⁵Le Farisii yaab baa uja u nan ye ujoon na, “Aa ŋa kinye aan ki ti likr?” Le u bui bi, “U di titan le pɔl nnimbil, le m finn, le nnimbil likr.”

¹⁶Le Farisii yaab bibaa bui ke, “Uja ngbaan aa joo likpaakool daal aakaal, nima le mɔk ke waa nyan ni Uwumbɔr chee.” Le biken mu bui ke, “Unii yaa ye utunwanbirdaan kan, u ga ŋa kinye ki tun lijinjiir aatuln ke waah tun pu na?” Le bi mɔmɔk aamɔi nan bi ibaabaa.

¹⁷Le bi ki baa uja u nan ye ujoon na, “Waah likr aanimbil na, aa len waabɔr kinye?” Le u bui bi, “U ye Uwumbɔr aabɔnabr la.”

¹⁸Le baa pak ke u nan ye ujoon le ki likr. Le bi yin ni ute ni una,

¹⁹ki nan baa bi, “Nijapɔɔn le na aa? Naah ma u na, u ye ujoon la aa? tɔ, u ŋa kinye ki likr dandana wee?”