JËF YA 2:23-29

²³Moom nag jébbale nañu ko, jaar ci nas, bi Yàlla dogaloon te xam ko lu jiitu; te yéen rey ngeen ko ci daaj ko ci bant, jaarale ko ci loxoy bàkkaarkat.

²⁴Waaye Yàlla dekkal na ko, daggal ko buumi dee, ndaxte dee manu koo téye.

²⁵Daawuda wax na ci mbiram ne: “Saa su ne gis naa Boroom bi ci sama kanam; gannaaw mu ngi ci sama ndijoor, duma raf.

²⁶Moo tax sama xol sedd, may woy sama bànneex, te it sama yaram di tëdd ci yaakaar.

²⁷Ndaxte doo bàyyi sama ruu ci barsàq, te doo seetaan sa waa ju sell, mu yàqu.

²⁸Xamal nga ma yoonu dund; dinga ma béglooji ci sa kanam.”

²⁹«Bokk yi, man naa leena wax lu wóor ci mbirum maam Daawuda, ne dee na te suul nañu ko; bàmmeelam mu ngi ci nun ba tey.