Israel Hanigo Namba 19:9-15

⁹“Tama nosali, te bidi me eno gedude wiegi yai bidi pelama, te kau kibu ulali te isi sisi dulu sigi pelama, tama te bidibo pesage bulu badu eno gedude wiegi yai yai pesageba pelama, tede muao. Tama te sisi dulu te wiegi yai pesagede bugagia munalubadi, te Israel dabe augwaligo węba munama, tama augwali augwa digi wę telayu elama, tama eno gedude dolo isąma yali nai dabe sela sąmainao. Augwaligo te ebo kolesagade augwali me wę paumainao, te sęgę sela sąwainogo.

¹⁰Tama te sisi dulu sali bidi agai aga ugwa me wę tedamainao. Tiali goli, aga eno gedude meda elalubadi, giliga ibaba dega saboba usu naibao. Te bomai po da tigidali sogo elaluyu, elalua paibao. Tama te Israel we bidigo, me te gasa we bidi te Israel bulude bidibo we bidi augwaligo me, te bomai po wali pomainao,” wali.

¹¹Genuai Bidigo po geninama ma weyu, e tama po wali, “Ma, te bidi mego te isai bidigo tigiba dįąwai yaibaso da, teda aga eno gedude meda elalubadi, 7 sogo tamaba usu nigi paibao.

¹²Tama te dei namba 3 me namba 7, te si sogo tomode agai te bidi wiegi yai ilibo te wę selama, aga tigide munama, tama aga eno gedude wiegi yai pedalaibao. Tiali goli, agai te namba 3 deide, me dei namba 7, tede agai te tama tisąma yali da, teda aga wiegi yai pedalogobeo.

¹³Te bidi me deli aga te bidi me isai te bidigo tigi dįąwai yaibaso da, tama agai aga digi eno gedude wiegi yai pedalisąma ebaso da, teda aga eno gedude meda elaluaibao. Magi baso meni. Augwaligo te bidi wiegi yai ilibo te wę selama, tama augwaligo agai tigiba sąsiąma ebaso. Te kolesagago Genuai Bidi eno ugwa be eno gedude meda ilibo dao. Tama tialima, te bidi eno we bidi hani tomode aga me bidigobeo,” wali.

¹⁴“Ma, te we me bidi me te olo ugwa be tomode isali da, tama te bidi isibode te bidi dabe te ugwa bede bididuali me, ma te bidi dabe te ugwa be tomoba asobaso da, augwali eno gedude meda elalubadi, a naga olama, si sogo tama usu naibao.

¹⁵Tama me te tǫ sene, me dis dabe te po meniama te ugwa bede munaluali da, augwali te meda yaibao.”