Israel Hanigo Namba 16:43-48

⁴³Tama te Moses de Aron si te ugwa be sunumiba doligi pali.

⁴⁴Tama Genuai Bidigo Mosesbolo e tama po wali,

⁴⁵“Dage si te we bidi pagede gediąo, pelama, te we bidi taga pelama, digibulu gana doligi piąo. Tama polo tama eno augwali dolaibao,” wali. Augwali sigo te po odama, augwali si gesabidi aiyaba begelama, tǫba degasa dulali.

⁴⁶Tama Mosesgo Aronbolo e tama po walali, “Te wiegi yai denami yai pauda ulubo plet sao. Tama te altade isi dage me selama, nago te pletiba muao. Tama wiegi yai denami ebo pauda selama, tama te isi daide muao. Tama te we bidi pageba polo sela pelama, sęgę sela sąbo ofa igi pao, tama augwali Godigo gedude wiegi yai pedalaibao. Magi baso meni, Genuai Bidigo augwali dali sębę me elama, genuai gasi dwaigo te we bidi dolobo gagalali,” wali.

⁴⁷Tama Arongo Mosesgo po wali pali, tama agai te wiegi yai denami hano ebo ofa ulubo plet sali, tama aga te we bidi sisąlubo tomoba udayali. Tama agai suali, te gasi dwai te we bidi tigiba polo pedalai suali. Tama tibaso, agai te wiegi yai denami hano holobo te pauda te pletide munama ofa yali.

⁴⁸Tama Aron te we bidi isali, me bidibo we bidi tomode dolaluyu, te ofa yali. Agai te tama tibo si, te gasi silali.