Isanquienare Joa 6:8-15

⁸Ari itimi anta pashini iroamere, yora Antirishi. Iriotaque irirenti Shimo Petero. Icantiri:

⁹—Oametanari, jerica aparoni evancari, timatsi itantane apapacoroni. Timatsi aisati ishivajaniquite apite. Iro cantaincha notseencaqueri: tempa oshequi catsini atiri.

¹⁰Irosati icantantanacari Jesoshi: —Poisavicajeiteri maaroni atiri. Ocasaveshiiteaquera. Icarajeitaque 5,000 shirampari savicajeitaintsiri.

¹¹Irosati yaantacaro Jesoshi tanta. Ipasonquitacotaquero. Ipajeitaqueri savicajeitaintsiri. Aisati iquempetaqueri shivajaniqui, ipajeitaqueri. Aitaque ocarati icoajeitaqueri aitaque ocarati ipaqueriri.

¹²Iquemajeitanaca maaroni. Irosati icantajeitantajari Jesoshi iroamerepee: —Paajeitajero timaarantapaajantsiri, aparatacari.

¹³Iquemajeitacaro oca tanta apapacoroni. Yaajeitajiro timaarantapaajantsiri. Itetajiro cantiriqui. Ijaajeitajiro ocarati 12.

¹⁴Noneajeitaqueri itasoncaquero tanta, irosati nocantajeitantanacari: —Iriotasanotaque yoca camantantatsiri aquemacotaqueri, aamaajeiveitaniri peerani.

¹⁵Iotavaque Jesoshi impocashijeiterime oajeitainchari iraanaquerime, impeajerime ivincatsarite. Irosati ipeapitsatantanajari. Ijatanaji toncaariqui apaniro.