Isaiya 11:2-7

²Guyau Yaluwana haba ya talu ai hewana, In sonoga yo nuwatuhu lobahi Yaluwana, yo liba fasibasiba yo gigibwali Yaluwana. Sibasiba yo Guyau ꞌwasabuna Yaluwana,

³Logena, haba Guyau ꞌwasabuna yai, amna loholoho ya lobahi. Somo matana yai ya itadi e somo ya atahiyedi, haba ibege i fakasadi.

⁴Haba tau kuꞌu, laulau dudulai yai ya fakasadi, yo gelogeloma dodogadi haba nuwatuhu loholoho yai enehedi ya fakasadi. Ena liba yai haba dodoga sa panisidi, yo haba dodoga heyaheyayadi ya faꞌankamkamnadi, be sa peꞌi. Yahafuwana yai haba tau heyaya ya wunuidi.

⁵Laulau dudulai yo liba dudulai mate ana bwaꞌulu

⁶ꞌWayoꞌwayowa yo sipi haba sa miya esega, yo lepodi yo goti nanatudi haba sa eno gogo. Bulumakau nanatudi yo laiyon nanatudi haba sa anban gogo. na wawaya kiukiu haba suisui ni ya foyahidi.

⁷Bulumakau yo beya haba sa anban esega, na suisuidi afa nanatudi haba sa eno esega. Laiyon haba hawahawa ya anidi doha bulumakau.