Isaias 11:3-6

³Ne igkelipey zin is kedtahud te Nengazen. Kenà sikandin edhukum tenged dà te neehè din etawa nengezineg din he tudtul, kekenà,

⁴ebeǥayan din te metazeng he kukuman is menge pubri ne edlevanan din sikandan pinaaǥi te kebeǥey kandan te ketenged dan. Ne pinaaǥi te kebmandù din, edsilut sikandin kayi te kelibutan ne ebpematey is lalung he menge etew.

⁵Layun diyà te kandin is ketazeng wey kegkeseriǥi, iring te idseluub din heini.

⁶Duen kelinew zutun te kedhadì din. Ne zutun ebpeemurà is dumezaas he menge asu wey is menge kerehidu. Edleku is liyupardu zuma te menge kambing. Ebpezumahà is nati he vaka wey is anak te erimaung, ne iyan ed-atur kandan is dezeisey pa he menge vatà.