ISAIA 11:2-7

²Lohiabada ena Lauma ese, ia dekenai do ia kamokau. bona inai bamona do ia hanamoa: Aonega bona laloa kehoa ena Lauma do ia henia. Sisiba namona henia dalana, bona siahu ena Lauma do ia henia, Diba maorona, bona Lohiabada gari henia kara, ena Lauma be do ia henia.

³Mai moale bada danu, ia ese Lohiabada ena ura do ia karaia. Iena kota biaguna kara, be do ia maoromaoro momokani, taunimanima edia toana dekenai lasi, bona ia kamonai hereva sibona lasi.

⁴To ogogami taudia be mai maoromaoro danu, do ia kota henidia. bona manoka taudia idia hisihisi henia taudia, be ia ese do ia panisidia. Taunimanima edia kerere davana, be ia ese do ia gwauraia, bona ia oda neganai, kara dika taudia do idia mase.

⁵Iena Basileia taudia be do ia gunalaia, mai maoromaoro bona momokani danu.

⁶Uda sisia bona mamoe, be do idia noho hebou mai maino danu, bona taiga be nanigosi danu do idia hekure hebou. Boromakau natuna bona laiona natuna be do idia aniani hebou. bona taunimanima ena natuna maragina ta ese do ia hakaudia.

⁷Boromakau hahine bona bea, be do idia aniani hebou. Edia natudia do idia hekure hebou mai maino danu. Laiona ese rei kakoro do ia ania, boromakau ese ia ania bamona.