Isaia 10:4-16

⁴A kee kpɛ́o, sema à vlãnau ń zĩ̀zↄↄ, ge àↄ ku gbɛ̃́ pↄ́ wà ń dɛdɛↄ guu. Ń beeo aà pↄkũma a kpálɛo, aà ↄ aↄ looańlaɛ.

⁵Waiyoo Asili pↄ́ aaì pↄkũmabↄbↄmámɛɛↄ! Ɔ̃mɛ ma pↄkpɛ̃nɛ go pↄ́ na ma ↄzĩ ũ.

⁶Málɛ ń kpakↄ̃a ń bui luayãdansaiↄ, málɛ ń zĩ gbɛ̃́ pↄ́ aa ma pↄ fɛ̃̀ↄwaɛ, kɛ́ aa ń pↄ́ↄ naaa, aa ń àizɛɛ sɛ́lɛ, aai ↄ̃zↄ̃má zɛ́kpaaↄu lán pɛ̀lɛawa.

⁷Ãma yã́ pↄ́ aalɛ yán weo, làasoo pↄ́ kúmán weo. Gbɛ̃́ↄ midɛa yã́ mɛ́ dↄ ń sↄ̃wa, kɛ́ aa e buiↄ míↄnzↄ̃ dasi.

⁸Asa aaì mɛ: Ma dↄaanaↄá kíaↄnɛ píio lò?

⁹Lá má kɛ̀ Kaakemiɛ, má kɛ̀ Kalenↄɛɛ. Lá má kɛ̀ Amataɛ, má kɛ̀ Aapadaɛɛ. Lá má kɛ̀ Damasiɛ, má kɛ̀ Samaliɛɛ.

¹⁰Ma ↄbↄ̀ ma tã́aↄ bùsuↄ sìmá, kási sↄ̃ an diipiↄ dasi dɛ Yelusalɛũ ń Samalio pↄ́ↄla.

¹¹Lá má kɛ̀ Samaliɛ ń a tã́aↄ, má kɛ Yelusalɛũɛ ń a diiↄo lé?

¹²Tó Dii a yãkɛa Yelusalɛũ Siↄna gbɛ musu lɛzɛ̀, a Asiliↄ kía swã́gagaɛ̀ wala pↄ́ a vĩ ń aà wɛkũaamao yã́i.

¹³Asa à mɛ̀: Má kɛ̀ ń mazĩa gbãaoɛ ń ma ↄ̃nↄo, asa ma wɛ́ zɛ̃aɛ. Ma bùsu zↄ̃lɛↄ dɛ̀, ma ń àizɛɛↄ nàaa, ↄ̃ ma ń gↄ̃sa kpalablenaↄ pã̀lɛ.

¹⁴Lá wì ↄgɛ̃ bã sakpɛu, màa ma buiↄ àizɛɛↄ nàaa. Lá wì gbe pↄ́ bã gòa sɛ́lɛ, màa ma ń bùsuↄ sì píi. An kee i kúu'oao, an kee i lɛwɛ̃aaao.

¹⁵Tó wa mↄo kũao, a zĩkɛe? Tó wi sii sɛo, a zĩkɛa? Lípana a liaa ń a kũnaoe? Go a fɛlɛ ń gbɛ̃́ pↄ́ lɛ́ pↄgbɛ̃òoe?

¹⁶A yã́i tò Dii Lua Zĩgↄ̃de a ibabagyã kpa Asili kíapi zĩgↄ̃ kãapiↄzi, i to tɛ́ aà gawi kↄ'ɛ.