19Mɔyiisi di nɑ̀kɛ́mu Kuyie ntɑnnɔ̀, di kóo mɔù mɛ nyí yɛ̀ tũ̀, dɛ̀ yĩ́mɛ kɛ̀ di dɔ́ kɛ́ n kuɔ?
20Kɛ̀ ditĩ̀nnìi ò tɛ̃̀ńnɛ́ kɛ dɔ̀: Dibɔɔ̀ diì dɑ tɑ, we ndɔ́ kɛ dɑ kuɔ?
21Kɛ̀ Yesu bɛ̀ nɑ̀kɛ́ kɛ dɔ̀: M pĩ mmutɔ̃mmú mùmɑ́ɑ̀ ndi kɛ̀ dɛ̀ di di.
22Mɔyiisi weè duɔ́ mucɑ̃mmù kó ikuɔ́, dɛ̀ mɛ nyí tú weè ketɛ́ mucɑ̃mmù, mù bonɛ̀ní di yɛmbɛ̀ borɛ̀ ndɛ, nɛ̀ mɛmmɛ kɛ̀ di yie nkɛ ɔ̃ɔ̃ cɑ̃ntɛ́ onìtì bɑ́ tɛom̀pùtɛ̀ yiè.
23Kɛ̀ di yie mMɔyiisi dɔú ndìì nùù kɛ ɔ̃ɔ̃ cɑ̃ntɛ́ dɛbirɛ bɑ́ tɛom̀pùtɛ̀ yiè, bɑ nkpɛ́í nnɛ́ te kɛ̀ di miɛkɛ m pɛ́ì m miɛkùnnɛ mɛ̀ɛ̀ kpɛ́í nhonìtì tɛom̀pùtɛ̀ yiè?
24Di bɑ́ɑ́ mbekùnɛ̀ mɛbɑtimɛ̀, dí mbekù kɛ tũ ntimɔ́mmɔnti.
Isɑ̃ɑ̃ 7
Isɑ̃ɑ̃ 7:19-24