IOSUA 9:17-21

¹⁷Vadaeni Israela taudia be laolao totona idia toreisi, bona dina toi idia ore neganai, Gibeona taudia edia hanua dekenai idia ginidae. Edia hanua be Gibeona, Kepira, Beroto bona Kiriata Iearimi.

¹⁸To Israela taudia ese unai hanua taudia idia alaia lasi, badina be edia lohia taudia idia gwauhamata henia vadaeni, Lohiabada, Israela taudia edia Dirava, ena ladana dainai. Vadaeni Israela taudia ibounai ese edia lohia taudia dekenai idia maumauraia.

¹⁹To lohia taudia ibounai ese Israela taudia ibounai idia hamaoroa, idia gwau, “Ai ese Lohiabada, Israela ena Dirava, ena ladana dekenai ai gwauhamata vadaeni, unai dainai inai Gibeona taudia do ita hadikaia diba lasi.

²⁰“To inai bamona do ita karaia. Inai taudia be do idia mauri, iseda gwauhamata dainai, Dirava ena badu be ita dekenai do ia mai garina.”

²¹Ma lohia taudia idia gwau, “Gibeona taudia be do idia mauri. To idia ese au utua, bona ranu huaia gaukara ibounai do idia karaia, Israela taudia totona.” Unai dainai lohia taudia edia gwauhamata be Israela taudia ese idia badinaia.